Денес во Центарот за култура во Битола, по повод 17. по ред Фестивалот Музика од светот се одржа прес-конференција на кој зборуваа директорот на Центарот Сашо Илковски и Благојче Трајковски – фронтменот на групата “Фонтана“ од Битола.
-Овој фестивал ја претвора Битола во една точка на културна поврзаност и уметничка инспирација, а тоа не е само фестивал — тоа е средба на култури, јазици и звуци што се спојуваат во едно единствено чувство: музиката како универзален јазик на човештвото, рече на отврорањето на преспконференцијата, директорот на Центарот за култура Битола, Сашо Илковски и додаде:
-Фетивалот ќе се одржи фестивалот под мотото „Уметноста на звукот“. Во ова издание го истражува просторот меѓу тишината и вибрацијата, меѓу интонацијата и емоцијата. Звукот не е само средство за изразување, тој е форма на уметност што допира подлабоко од зборот, што ја создава врската меѓу слушателот и изведувачот, меѓу традицијата и модерноста, меѓу локалното и светското. Фестивалот на 27 ноември ќе го започне групата “Фонтана“ од Битола, а “Фонтана“ е нашата битолска гордост која 25 години остава на македонската и балканската музичка сцена. Со нив по втор пат е Гамзе Матраџи која е родена во Турција, но нејзините корени потекнуваат од Велес, Македонија.“Фонтана“ настапувале со голем број на балкански и локални ѕвезди. Гамзе Матраџи го има оформено Балканскиот оркестар со кој настапуваат низ целиот свет.
Благојче Трајковски – фронтменот на групата “Фонтана“ од Битола на прес конференцијата рече:
-Мило ми е што повторно ќе се претавиме на овој престижен фестивал не само во државни рамки туку и пошироко, на меѓународна сцена. Честитки за организаторите кои во пет вечери ќе имаат седум концерти, со одлична програма, артиски… Конкретно за нашиот концерт ќе кажам дека ќе се базира на македонската традиционална музика. Гамзе после 10 години е на сцената на Центарот за култура во Битола, и е миленичка не само на битолската туку и на македонската публика. Таа пристугнува денес во Битола и кај неа и кај нас задоволството што заедно работиме е огромно.
–Пробите се одвиваат во одлична атмосфера, а ние иако сме дома сепак имаме голема возбуда, со посебна трема која не ја почуствував на било која сцена. За битолската публика се подготвуваме многу, а на сцена ќе бидеме околу дваесетина луѓе, се со цел да звучиме со гламурозно, со висока уметничка естетика. Посебни сум среќен што влезниците се распродадени, но ќе нема втор концерт туку ќе собереме повторно за брзо, со нов концерт. Сакам да кажам дека со се што случува на овој фестивал ќе потврдиме уште еднаш дека го имаме најдобриот културен центар во Македонија, вели Трајковски.
Во текот на пет фестивалски вечери, публиката ќе има можност да ја доживее силата на звукот во различни облици — од етно и world музика, преку камерни изведби и фузија на жанрови, до експлозивни сценски настапи што ги спојуваат Балканот и светот.
На сцената ќе настапат: Gamze & Група Фонтана (Р.С. Македонија/Турција), Тања Царовска & Камерен оркестар Битола (Р.С. Македонија), Balkan Zoo & Нина Чориќ (Хрватска), Koza Mostra (Грција) и Gamazda (Русија) — звучни имиња што носат енергија, различност и единствен уметнички идентитет, рече Илковски, кој додаде и дека:
-Фестивалот останува верен на својата мисија — да го негува дијалогот меѓу културите преку музика, да создава простор за нови уметнички средби и да ја потсетува публиката дека звукот може да биде најчистата форма на уметност.
Фестивалот покрај петте фестивалски вечери ќе има и два значајни концеети во ОФФ програмата.
Текст и фото: Сашо Ристевски
