Еурофарм Пелистер – Магдебург 26:31 (12:15)
Македонскиот ракометен шампион, Еурофарм Пелистер вечерва во Битола е поразен во Лигата на шампионите, од најдобриот европски клуб за минатата сезона, Магдебург со резултат од 26:31, а “пелистерци“ пред својата публика се претставија достоинствено.
Рубен Гарабаја му даде шанса вечерва на битолчанецот Самоил Ристевски и Давид Брестовац, а во тимот ги немаше Сеид Хаидарирад и Калед Валид.
Стартот на натпреварот донесе два нереализирани напади на “пелистерци“ и два гола на гостите за 0:2, а Магдебург поведе и со 1:4. Водството се намали на само еден гол 3:4, по петнаесет минути игра на семафорот стоеше 6:8 за Магдебург. На полувреме се замина со -3 за Пелистер (12:15).
Вториот дел започна одржување на негативата од три гола. Серхио Хернандез се разбрани во вистински момент и се дојде до 16:22. Хенигман, кој поради три исклучувања заработи црвен картон, а Германците ги казнуваа сите грешки и се одлепија на седум позитива (16:23). До крајот на средбата европскиот шампион искусно го одржуваше сигурното водство и заслужено триумфираше со 26:31.
Најефикасни кај Еурофарм Пелистер беа Богдан Радивојевиќ и Дејан Манасков со по пет и Кузмановски со четири гола, а одличен на голот беше и Никола Митревски со единаесет интервенции.
Еурофарм Пелистер е седми на табелата со четири бода, а во следното коло “пелистерци“ патуваат во Хрватска кај Загреб, а претходно, в недела го играат дербито со Алкалоид во домашниот шампионат.
Дамијана Ристевска – Сашо Ристевски
