Натпреварот се одигра во Битола, како дел од 9. коло на Лигата на шампионите беше уште потврда за квалитетот на европскиот првак, ракометниот гигант Магдебург кој уште ја задржа својата непобедливост во сезоната, а во Битола ја забележа 16 победа по ред.
И покрај очекуваниот пораз, македонскиот шампион Еурофарм Пелистер даде силен отпор против германскиот тим, за на крај да биде награден од битолчани и нивните гости кои беа дел од одличната ракометна атмосфета во “Боро Чурлевски“.
Но, битолската публика, како голем познавач на ракометот со аплауз ги награди ракометарите на Магдебург, а кон нив не беше упатен ниту еден лош збор.
Магдебург со себе имаше и мала група навивачи кои сосема безбедно и заедно со битолчани беа на јужната трибина и се радуваа на секој гол и на крај, се разбира на победата.
“Пелистерци“ имаа свои моменти, но за позитивен резултат против ваков ривал треба да се има перфектна вечер, а тоа вечерва го немаше, но на битолчани кои беа во салата “Боро Чурлевски“ понесоа спомени, дека во живо ги гледале ракомените ѕвезди од Бундес Лигата.
Дамијана Ристевска – Сашо Ристевски
