Актуелениот кадетски шампион на Македонија, Еурофарм Пелистер од Битола односно генерацијата од 2008 продолжува да гради своја европска репутација со учество во EХФ Лигата на шампионите, најелитното клупско ракометно натпреварување за млади ракометари во Европа.
Минатата сезона, генерацијата од 2006 гдина го постигна најголемиот успех на македонска младинска екипа на европската сцена, пласирајќи се на завршниот турнир во Келн и се најде меѓу најдобрите четири тимови во Европа. Овој резултат постави високи стандарди за следните генерации и инспирација за сегашната кадетска екипа.
Генерацијата 2008 година и помлади ја продолжува оваа успешна традиција, претставувајќи го Еурофарм Пелистер, градот Битола и Македонија на највисоко европско ниво. Клубот континуирано инвестира во младинските категории, градејќи силна база за идни ракометни шампиони и унапредувајќи го угледот на македонскиот ракомет на меѓународната сцена.
