Денес делегација на Сојуз на Борците од НОАВМ 1941 – 1945 и граѓаните продолжувачи од Битола другарот Стефан Бошков и група граѓани го одбележа 29 Ноември, Денот на републиката, се мисли на некогашната СФРЈ со полагање на свежо цвеќе на споменикот на некогашниот претседател на Југославија, маршалот Јосип броз Тито, кој се наоѓа во дворот на боречката организација, на Широк Сокак.
Возрасните биточани, а и некои помлади денес се сеќаваат на овој празник, кој се нарекуваше Денот на Републиката, кој се славеше по неколку дена, поради тоа што на 29 ноември 1943 година во градот Јајце, Босна и Херцеговина, се одржало Второто Заседание на Антифашистичкото Собрание (ВЕЌЕ) на Народното Ослободување на Југославија (АВНОЈ), денот кога се конституираше нова Југославија како федеративна држава составена од шест републики и на пет нации.
АВНОЈ било највисоко политичко и претставничко тело на антифашистичката борба. Меѓу делегатите имало членови и приврзаници на Комунистичката партија на Југославија, на Хрватската селанска партија, на Муслиманската заедница, од Партијата на христијански социјалисти, од Партијата на самостојни демократи, од Радикалната партија, од Српската земјоделска партија…
Имало и делегати од Македонија, не тие не биле присутни на Заседанието. Со заседанието претседавал Иван Рибар, а во работното претседателство биле: д-р Јосип Видмар, д-р Павле Грегориќ, д-р Воислав Кецмановиќ, лекарот Иван Милутиновиќ, православниот свештеник Владо Зечевиќ, лекарот Златан Сремац, Сулејман Филиповиќ и Сретен Жујовиќ.
Со тоа се прекинал континуитетот со Кралството Југославија, во кое не било признато постоењето на македонскиот народ. Македонија била прогласена за држава, конститутивна членка на југословенската федерација. Одлуките на Второто заседние на АВНОЈ биле основа за конституирањето на Македонија како посебна држава во југословенската федерација.
