Вечерва во Центарот за културата во Битола во рамките на втората фестивалска вечер на 17. издание на Фестивалот на музика од светот настапија Тања Царовска и Камерниот оркестар Битола.
Пред, повторно како и синоќа, пред полна сала љубители на музиката од Битола имаа прилика да уживаат во извонредно музичко патување околу светот – софистицирана фузија на традиционални песни од различни култури и континенти.
Царовска, се “прошета“ и го прошета битолчани и нивните гости, на “пат“ кој започна од Битола, Македонија, продолжи низ Бангладеш, Либан, Кина, Шпанија… за пака да се врати во Македонија.
-Ме радува што сум тука, во Битола, на овој реномиран фестивал, заедно со Камерниот оркестар од Битола со кој ми ретка прилика по втор пат да настапувам. Исполнувам песни кои голем број се мој аражман, а една песна ја имам аранжирано специјално за Камерниот оркестар. Дел од песните посветувам на мајката која за сите е многу важна во животот, за војните, за мојата ќерка која е полумакедонска и полулибанка, и секако за сите неправади и војни во светот…, рече Царовска.
Во специјалниот музички проект кој беше исполнет вечерва во Битола, Царовска претстави избор на традиционални песни што ги открила низ своето долгогодишно уметничко патување, што е колекцијата е исполнета со лични мелодии и спомени, оживеани преку нејзиниот препознатлив вокал и богатото звучно присуство на Камерниот оркестар Битола.
Инаку, Чаровска има успешна меѓународна кариера во светот на филмската музика што се протега речиси три децении, а нејзиниот глас е препознатлив дел од бројни филмски, театарски и танцови продукции. Таа изведува музика на широк спектар на јазици и стилови — од арапски и грчки до ирански, индиски, бангладешки и ерменски — секогаш враќајќи се кон својата длабока поврзаност со македонската традиционална песна. 
Концертот е во рамките на 17. Фестивал на музика од светот, што беше отворен синоќa со настапот на групата “Фонтана“ и гостинката од Измир – Турција, Гамзе Матраџи.
А, утре, на 29 ноември, пристигнува во Битола “Balkan Zoo“ предводени од басистот и композитор Марио Рашиќ, со уникатниот вокал на Нина Ќориќ го носат својот препознатлив стил – мешавина од балкански етно мотиви, ромски мелодии, фламенко и модерна “world music“ фузија, а за битолчани ветуваат ноќ исполнета со страст, балканска енергија и танц.
“Balkan Zoo“ настапуваат низ целиот регион, носејќи ја пораката дека музиката е универзален јазик што ги обединува сите.
Жанета Ристевска
Фото: Дамијана Ристевска
