ФТ Митко Василев, физиотерапефт, специјалист кинезитерапија и мануална терапија, од ординацијата “Кинет мед“ ве информира за дијагностика и терапија за разни заболувања и третмани за нив. Низ овие разговори ќе добиваме и стручни информации, а за истите постои голема заинтересираност. Овој пат ФТ Митко Василев ќе ве информира за тоа што е “болеста на седење“, за што вели:
Во текот на последните неколку години работење од дома, останување дома и социјално дистанцирање, многу луѓе седат уште повеќе отколку пред пандемијата COVID-19. Седењето е нешто толку вообичаено што честопати не сфаќаме колку од нашиот ден навистина го поминуваме седејќи. Сепак, предолгото седење може да има многу негативни влијанија врз здравјето и долговечноста.
Во последниов период сведоци сме на повеќе студии кои покажа дека продолженото седење е поврзано со зголемен ризик од повеќе хронични болести, вклучувајќи дебелина, дијабетес, рак и кардиоваскуларни заболувања, заболувања на локомоторниот апарт. Современите професии и брзиот начин на живот налагат седната или статичн положба 21 час од денот. Вклучувајќи вежбање и физичка активност, луѓето поминуваат само приближно 3 часа од денот во исправена положба или движење.
Овој феномен е наречен „болест на седење“, што, генерално кажано, се дефинира како состојба на зголемено седечко однесување поврзано со негативни здравствени ефекти. Седечкото однесување може да се дефинира со две работи: положбата во која се наоѓате, која генерално е лежечка или седечка положба, и количината на енергија што ја троши вашето тело.
Можеби се прашувате: „Но, вежбам секој ден, дали ова сè уште важи за мене?“
За жал, според „The Journal of Medicine and Science in Sports and Exercise“ , наведува дека дури и активна личност која вежба пет пати неделно, сè уште се соочува со ризици поврзани со „болеста на седење“ ако води седечки начин на живот надвор од времето поминато за вежбање или вежбална. За жал, не можете да ги надоместите осумте часа седење со тренинг!
Иако се препорачува учество во умерени до енергични вежби 3-5 пати неделно, важно е да се започне со првиот чекор: стоење. Студии на универзитетот од Вашингтон вели дека „начинот на живот со продолжено седење е значително различен дури и од начинот на живот без рутинско вежбање“
Други студии покажаа дека за секои 2 часа поминати во седење се заштедуваат 352 калории во споредба со некој што стои. Се нагласува дека „стоењето може да помогне да се врати дел од таа метаболичка активност бидејќи стоењето предизвикува контракции во вашите постурални мускули во грбот, колковите и колената за да ве држат исправени“.
Поголемиот дел од популациата гледаат во компјутерскиот екран во текот на денот, без разлика дали е на канцелариско биро или дома. Ако не, гледаме во компјутерот во џебовите – нашите паметни телефони. Просечен канцелариски работник седи од 6 до 15 часа секој ден, што се пресметува на околу 80.000 часа поминати седејќи во текот на целиот живот.
Технологијата стана прифатен дел од нашето секојдневие, но тоа не значи дека не треба да бидеме свесни за тоа што прави нашето тело додека ја користиме технологијата.
Гледањето во компјутер со лошо држење на телото предизвикува појава на грпка на горниот дел од грбот, скратување на флексорите на колковите, скратени стомачни мускули, вдлабнатини во градите, ослабени рамена, болки во рацете, вкочанетост и трнење во екстремитетите и, најлошо од сè, трауматски притисок врз дисковите во грбот. Сите овие симптоми не се невообичаени.
Доброто држење на телото е исто така важно при користење на паметен телефон, бидејќи човечката глава тежи околу 4-5 кг. Студиите покажуваат дека свиткувањето на главата надолу во типична положба за пишување пораки од 60 степени може да ја направи вашата глава да тежи околу 60 кг. Ние поминуваме околу 700 – 1400 часа на нашите паметни телефони секоја година, па затоа ставањето толку голем стрес на нашите вратови и ‘рбети само со свиткување на главите толку долго може да почне да создава проблеми.
Предлог решенија:
Знаеме дека е тешко да се биде оттргнат од технологијата и дека многу вообичаени решенија можат да бидат скапи или тешко да се најдат на пазарот. Наместо тоа, ја нагласуваме важноста на свеста во однос на вашето држење на телото, движењето на телото и времетраењето на седење/лежење дневно .
За секој час седење, обидете се да одвоите околу десет минути стоење. За секои 30 минути што работите, треба да има 20 минути вистинска работа на компјутер, а потоа 10-минутна пауза. Таа 10-минутна пауза треба да биде 8 минути стоење и 2 минути истегнување. Само ова е прилично голема промена од седењето со часови и со текот на времето треба експоненцијално да му се врати на вашето тело.
Кога седите, замислете ергономска положба – доближете ја тастатурата и глувчето до вашето тело, држете ги лопатките повлечени назад, опуштајте ги лактите покрај вас и одржувајте неутрален ‘рбет.
Малите чекори можат да направат голема разлика – буквално!
Можете да се борите против „болеста на седење“ и преку мали нешта. Обидете се да паркирате подалеку, да стоите додека ручате и да правите позиции за рамнотежа на една нога или подигање на прсти додека извршувате секојдевни активности. додека гледате телевизија практикувајте повремени контракции/стегања на одредени мускули групи.Секој мал чекор што го правите е еден момент помалку поминат во седење.
Заедно со стоењето, аеробните вежби ( или зголемена кардио- пумонална функција односно брзо одење, лесно трчање ,возење велосипед како минимум аеробна активност)се исклучително важни. Како што се препорачува треба да изведувате минимум 30 минути аеробна активност со умерен интензитет околу 5 дена во неделата или 20 минути аеробна активност со силен интензитет околу 3 дена во неделата.
Среќни празници ви посакува тимот на “Кинет кед“ и останете во добро здравје.
