“Празнична штафета за тимски дух“ на “Сумнал“ настан исполнет со радост, движење и радости

Пред Офицерскиот дом во Битола се одржа спортско-едукативниот и празничен настан „Празнична штафета за тимски дух“, кој донесе насмевки, позитивна енергија и вистински пример за тимска работа меѓу учениците, во организација на “Сумнал“ од Битола.На „Празнична штафета за тимски дух“ учествуваа ученици од основните училиште “Даме Груев“ – Битола, “Д-р Трифун Пановски“, “Кирил и Методиј“, “Гоце Делчев“, “Тодор Ангелевски“, “Св. Климент Охридски“ и “Стив Наумов“ од Битола, претставувани од менторите и наставниците кои со голема посветеност, поддршка и ентузијазам ги мотивираа учениците и овозможија овој настан да биде вистинска празнична приказна.Активностите беа реализирани од Михајло Сиљанов и Васко Димитровски, истакнати спортисти кои со својата енергија, искуство и позитивен пример придонесоа за безбедна, динамична и инспиративна атмосфера.Прво место освои ООУ „Стив Наумов“, второ место – ООУ „Даме Груев“ и трето место – ООУ „Св. Климент Охридски“ од Битола.-Заедно создадовме спомени, насмевки и празничен дух кој долго ќе се памети. Благодарност до сите што беа дел од оваа убава приказна!, порачаа од Сумнал.