“Kafeterija by Marieli“ во Битола за нашите најмали сограѓани приреди магична новогодишна вечер исполнета со празнична атмосфера, музика, креативност и секако, слатки моменти.
Во рамки на новогодишниот хепенинг се одржа завршна изведба на музичко-драмски перформанс “Чудото на полноќ“, своја музичка изведба имаше ученички бенд, се отвори изложба и се одржа продажба на новогодишни ракотворби на ученици од ООУ “Гоце Делчев“ – Битола, а за учесните и публиката имаше топли празнични напитоци и колачи од “Kafeterija by Marieli“.
Во празнична дружба за најмалите беше организирано боење и цртање новогодишни цртежи и дружење со Дедо Мраз. 
–Ова беше еден нов начин за да им доближиме новогодишната магија на нашите најмали сограѓани. Имавме одлична дружба со најмалите, кои се потрудија, нам, на публиката и на нивните гости да ни покажат колку се вредни и паметни преку драмските изведби, цртање, преку песна… а во тоа и успеаја. Се надевам дека ќе продолжиме со вакви дружби и во однина во разни прилики, ни рекоа од “Kafeterija by Marieli“.
“Kafeterija by Marieli“ и досега по разни поводи организира дружење и со деца од ранливи категории и деца со попречености.
