Туризмот повеќе не се продава со убави зборови и инспиративни приказни. Денес се продава со смисла, бројки и искуства што имаат реална тежина. Токму од оваа премиса тргнува UTOPIA Academy, која на 10 февруари 2026 ја организира еднодневната интензивна обука „ТУРИЗАМ БЕЗ ШМИНКА“, посветена на новите правила во туризмот и индустријата на гостопримство – без илузии, без романтика и без заобиколување на тешките прашања.
Настанот е наменет за сите кои сакаат одржлив туристички бизнис, а не сезонска среќа и нуди практични знаења, искуства од терен и одговори што индустријата со години ги одложува. Во рамки на програмата, учесниците ќе имаат можност да слушнат тројца врвни предавачи од Србија, секој со јасен и реален пристап кон туризмот.
Иван Миниќ ќе зборува за променетиот профил на гостинот по ковид, преминот од „кревет и појадок“ кон искуствен туризам, митови што исчезнаа и трендови што навистина опстанаа. Фокусот е на дизајн на искуство што се памети, а не само се оценува, како и на лекциите научени кај него од повеќе од 50 земји каде локалното станува новиот premium.
Никола Пејовиќ ќе даде практична финансиска реалност за туристички бизниси: од хотелска математика без романтика, до паметен избор меѓу инвестиции, кредити или сопствени средства. Темите вклучуваат одржлив cash flow, lean finance пристап и реалната слика за парите во туризмот – каде се и зошто не се кај сите.
Горан Магдиќ носи искуство од терен, а не од брошури. Ќе зборува за најчестите грешки при продажба на локални приказни на странци, за автентичност без фолклор за туристи и за тоа што странците навистина го бараат – а ние упорно им го нудиме погрешно. Кој треба да присуствува?
Настанот е наменет за хотелиери, сопственици на апартмани, туристички агенции и оператори, ресторани, винарии, гастро и агротуристички концепти, општини и институции во туризмот, како и за сите кои сакаат долгорочна релевантност на пазарот.
Практични информации
Датум: 10.02.2026 Време: 09:00 – 17:00
Цена: 3.000 денари (вклучен ручек)
Локација: UTOPIA Academy
Пријави и информации: 
+389 70 237 347 
info@utopia.com.mk линк за оналајн пријави Туризам без шминка | UTOPIA – PRIVATE MEMBERS CLUB https://utopia.digitalvario.com/event.php?id=198
Ова не е инспиративен настан. Ова е работилница за оние што сакаат да преживеат, да растат и да останат релевантни.
