Празникот на музиката “Солстис“ по 17. пат на шест сцени низ Битола

Во организација на Француската Алијанса во Битола со поддршка од Општина Битола, а во рамките на Битолското културно лето “Битфест 2018“, на 21 јуни традиционално, на најдолгиот ден во годината, ќе се одржи “Солстис“ или Празник на музиката, со кој ќе се одбележи светкиот ден на музиката.

Оваа година “Солстис“ ќе се одржи на 6 сцени во Стара чаршија, на плочтадот “Магнолија“, на Широк сокак се до кафе бар “Јагода“.

На овие локации, на отворено, ќе настапат десетина ансамбли, групи, изведувачи од различни жанрови, најавувајќи го Битолското културно лето…

Истиот настан се одржува по 17 пат во Битола, а истовремено ќе се одржи и во стотици други градови во Франција и светот.