Во винаријата “Чифлик“ денес Центарот за развој на Пелагонискиот плански регион-ЦРППР, на промотивна конференција претстави проект за регионален развој на туризмот со искористување на постоечкиот македонски и грчки ресурсен потенцијал, овој проект е поддржан од Министерството за локална самоуправа.На промотивниот настан во Битола, заменик министерот за локална самоуправа, Дејан Павлески, истакна дека проектот I-TOURзначи промоција за развој на туризмот во Пелагонискиот регион и регионите на Лерин и Солун во соседна Грција.-Овој проект овозможува промовирање и соработка меѓу двете соседни држави и е финансиран со над 760.000 евра. Преку ИПА компонентата ќе биде финансирано и отворањето на граничниот премин “Маркова нога“ во Преспа, а ние како министерство работиме што повеќе да ги искористиме овие можности што ги нуди ЕУ преку овие програми, нагласи Павлески.
Носител на проектните активности е ЦРППР-Битола, а имплеметацијата ќе се реализира со 4 партнери, односно 2 од Пелагонискиот регион и 2 од соседна Грција.-Цел на проектот е да се адресираат и дефинираат проблемите и недостатоците што ги имаат Република Северна Македонија и Република Грција, односно недостигот на заеднички туристички производ и недоволната искоритеност на постоечките потенцијали што ги имаат двата региони. Преку овој проект ќе го промовираме регионот Битола-Лерин-Солун, ќе се мапираат постоечките туристички потенцијали и производи, кои потоа ќе се промовираат пред меѓународни тур-оператори и медиуми, за да се учествува на меѓународни саеми. Ние сакаме Пелагонискиот регион да биде конкурентен регион, и затоа имаме 3 готови туристички понуди, посочи Гого Видимче, раковидтел на ЦРППР-Битола.Градоначалникот на Битола, Наташа Петровска, на промотовната конференција ги поздрави учесниците и посака ова да биде само пример како и во иднина да соработуваат сите страни се со цел развивање на туризмот.Потенцијалните атрактивни туристички места ќе ги утврдат експерти од двете држави, а проектот го претставија за центарот за развој на Пелагониски плански
регион-Александра Сивевска Проектен менаџер, за Национален парк Пелистер-Пеце Цветановски, за Факултет за туризам и угостителство,Охрид-д-р Иванка Нестороска, за национален парк Преспа, Грција-Триантафилија Гоку и за факултетот за бизнис и администрација, Грција-Јоанис Тампакоудис.-Проектните тимови се одлични, работиме од двете страни и посебно сакаме да го искористиме потенцијалот на Преспанското езеро, кусо изјави Јоанис Тампакоудис, универзитетски професор од Солун.Во проектот вклучени се претставници на националните паркови „Пелистер“ и „Преспа“, Факултетот за туризам и угостителство-Охрид и Факултет за бизнис и администрација-Солун, а на денешната промоција беа присутни и градоначалниците од пелагонискиот плански регион, бизнисмени, ректорот на УКЛО и други…
С.Р.