Претставниците на 15 земји, членки на светска фолклорна организација, во посета на општина Битола (фото)

Сојузот на фолклорни ансамбли на Македонија, во Битола, е домаќин на претставници на фолклорни асоцијации од 15 држави во Европа, членки на Светската фолклорна организација-ЦИОФФ, сектор Јужна Европа. По тој повод, околу 50-тина претставници jа посетија Општина Битола.Градоначалничката Наташа Петровска им посака топло добредојде на гостите,со желби да се продлабочи заедничката соработка околу нематеријалното културно наследство, фолклорот и традициите.Гостите со симболични подароци карактеристични за нивните земји, се заблагодарија на топлиот прием, а претседателот на ЦИОФФ Македонија, Антонио Димитровски и подари уметничка слика, во знак на благодарност кон Општина Битола, која му даде голема поддршка на овој значаен меѓународен настан.