На крстосница од улиците „Билбил камен“ и „Кирил Вангелов“ во Битола, М.А. (24) од Битола, управувајќи патничко возило „Форд Ескорт“, удрил во велосипед управуван од 11- годишно девојче од Битола, кое било пренесено во Клиничката болница Битола за укажување на лекарска помош. Увид на местото на настанот извршила увидна екипа од СВР Битола.
Во Полициска станица Битола, Б.Ј. (36) од Битола пријавила дека од домот се оддалечил нејзиниот малолетен син, кој претходно повеќе пати се оддалечувал од дома и бил враќан од полицијата. Се преземаат мерки за расчистување на случајот.
Во СВР Битола, Б.Ј. (55) од Битола пријавил дека во нива кај „Св.Недела” во Битола пронашол граната 75 мм од Првата Светска Војна. Граната била безбедно подигната од стручно лице од Дирекцијата за заштита и спасување. Увид бил извршен.
