Советниците од независната советничка група “Поинаку“ одржаа работна средба со директорката на ЈП “Комуналец“ од Битола Гордана Наумовска, на која присутвуваа претседателката на Советот на Општина Битола, Габриела Илиевска и советниците Иван Чулакоски и Алмир Адемоски на Наумовска.
Тие на средбата до ЈП “Комуналец“ доставија листа со барања во која се содржани дел од предизборните ветувања, но и барања од граѓани кои во изминатитот период беа доставени до советниците.
-Ги мапиравме дивите депонии во градот и околината кои мора во најскоро време да бидат исчистени, побаравме санација на возилата за собирање на отпад, како и промена во распоредот на собирање на истиот, секојдневно миење и чистење на улиците, како и формирање на комунална редарска служба. Разговаравме и за останати проблеми со кои се соочуваат граѓаните секојдневно. Реализацијата на нашите барања ќе ја следиме секојдневно, но и ќе ја дополнуваме листата согласно барањата и потребите на нашите сограѓани, соопштија од “Поинаку“.
Листата на барања се состои:
-Чистење на депонии, кои се мапирани во Битола и околината,
-Поправка/санација на возилата за соборање на отпад,
-Поправка/санација и набавка на нови корпи и контејнери
-Промена на времето за собирање на отпад во централното подрачје, по 16 часот,
-Почесто собирање на отпад во пазарите,
-Секојдневно собирање на отпад во детските паркови
-Поставување на заштитни столбчиња по улица “Партизанска“ за заштита на зеленилото
-Оспособување на кафезите во Зоолошката градина, хуман престој на бездомните животни и изградба на прифатилиште за бездомни животни.
-Формирање на Комунална редарска служба согласно Законот за јавна чистота.
