Чествување по повод 71 година од смртта на Павел Шатев на Светонеделските гробишта во Битола

Со панихида во гробиштата “Св. Недела“ во Битола и историски час беше одбележна 71 годишнината од смртта на великанот на Македонската револуционерна борба, Павел Шатев, која беше организирана од УМС на ВМРО-ДПМНЕ од Битола. Во знак на почит беше положено и цвеќе на гробот на Павел Шатев, а историчарот Горѓи Костовски одржа краток говор за животот и делото на Павел Шатев.Павел Шатев целиот свој живот го посветил на Македонија и со своето дело давал пример како да се постигни целта, независна Република Македонија. Павел Шатев бил член на ВМРО, бил гемиџија и учесник во Солунските атентати и еден од основачите на ВМРО-Обединета. Учесник и делегат на АСНОМ и првиот министер за правосудство на Македонија. Павел Шатев бил осудуван и затворан од Османлиската власт, потоа од Бугарските фашисти, а и од властите во повоена Македонија. На 30 јануари 1951 година во Битола, го завршува својот живот.