Фото вест: вандализмот продолжува, откорнати железните украси на чешмата кај Офицерски

Вандализмот во Битола продолжува, а сега на мета на вандалите, на кои што ништо не им е вредно и свето, се најде чешмата кај Офицерскиот дом која пред неколку месеци беше комплетно реконстрирана и за многумина е еден од симболите од минатото за Битола и белег за овој дел од градот.На чешмата се откорнати се металните украси на металните врати каде што се сместени вентилите за затворање и пуштена водата. Како се гледа од фотографиите во лоша состојба се и камените мијалници.Инаку, чешмата беше реконтруирана со финансиските средства од ротаријанците на Ротари клубот Битола, пријатели на клубот, Сојузот на РК на Македонија, а свое учество имаа и Здружението на пензионери и неколку граѓани.