Фото вест: нема крај, се исчисти депонијата кај “Кркардаш“, се направи нова над “Стрелиште“

Деновиве екипи на јавните претријатија од Битола ја исчистија депонијата над Баирот, кај резерварот за вода на “Водовод“, а потоа и депонијата која беше по патот кај Кркардаш, но веднаш несовесните граѓани си ја активираа старата над “Стрелиште“.-Од една страна луѓето чистат, а на сто метри од таму каде се исчисти, тука над населбата се фрла губре. Ние кои сме од населбата “Стрелиште“ не поминуваме тука со автомобили. Затоа ќе побараме да се постави рампа, а клучот да го имаат компаниите кои имаат предаватели на ридот, и никој друг да не влегува, и не ќе можи да се фрла губре. Вака од една страна се чисти, од друга се загадува, и нема решение, а трпиме сите за некој кој не сака да живее со градски навики, ни рече чичко Кире.