Вечерва во Офицерскиот дом во Битола се одржа трибина во организација на Унијата на жени при ОК на ВМРО-ДПМНЕ од Битола, посветена и пред големиот христијански празник, Велигден.
Присутните на трибината беа пратеничката во Собранието на Македонија – Огла Лозановска, градоначалникот на Битола – Тони Коњановски, претседателот на ОК на ВМРО-ДПМНЕ од Битола – Пеце Милевски, советнички од Советот на Општина Битола од позицијата, членови и симпатизери на ВМРО-ДПМНЕ.
Во име на организаторот присутните ги поздрави и им посака честити велигденски празници, претседателката на УЖ на ВМРО-ДПМНЕ од Битола, Ангелка Диневска.
Трибината која се одржа пред Велигден имаше наслов “Христовото Воскресение – Велигден“, за овој најголем верски празник зборуваше Пелагониско-преспански Митрополит Г-дин Г-дин Петар.
