Пред околу 1.000 љубители на кошарката во спортска сала “Младост“ беше отворен осмиот меѓународен Велигденски кошаркарски турнир во организација на на кошаркарскиот клуб Младост и Општина Битола, а потпомогнат од кошаркарскиот клуб Пелистер, Ректоратот на Универзитетот „Св. Климент Охридски и Сојузот на спортови.
Годинава турнирот е најмасовен меѓународен собир на млади кошаркари и кошаркарки во Битола и Република Македонија со околу 200 учесници, а во овие изминати осум години учествуваа 90 екипи со преку 1.200 учесници од Македонија, Хрватска, Црна Гора, Бугарија и Србија.
Осмиот меѓународен Велигденски турнир е собир на младите надежи од двете пријателски држави Македонија и Хрватска, со учество на 16 екипи во 4 старосни категории и тоа: момчиња родени 2003/2004 година, девојчиња родени 2003/2004 година, микс-девојчиња и момчиња родени 2005/2006 година и микс-девојчиња и момчиња родени 2006/2007 година.
Во рамките на турнирот е и турнир за ветерани во машка конкуренција со учество на 6 екипи од Македонија, Република Хрватска и Република Србија.
Гости на свеченото отворање беа и Стерули Андоновски, Горан Вукадиновиќ и Димитар Секуловски првиот тренер во историјата на Младост.
Гостите ги поздрави Борче Корлевски, претседател на Комисијата за млади, спорт и рекреација при Советот на Општина Битола да ги поздрави присутните, а Валентин Груевски, претседател на Советот на Општина Битола го прогласи турнирот за отворен.
Кошаркарскиот клуб Младост додели посебни признанија за посебен придонес во развојот на битолската кошарка, и тоа за: Валентин Груевски – претседател на Советот на Општина Битола, Борче Корлевски – претседател на Комисијата за млади, спорт и рекреација при Советот на Општина Битола, Димитар Секуловски, првиот тренер во историјата на Младост и д-р Горан Цветановиќ, градоначалник на градот Лесковац, Србија.
Кошаркарскиот клуб Младот од Битола додели благодарници на поранешни кошаркари, кошаркарки и на поранешни кошаркарски работници кои ја прославија битолската кошарка во минатото, Милко Лозановски, Никола Ивановски, Томе Недановски, Кузман Георгиевски, Марија Џидрова Чурлевска.
Во музичкиот дел на свеченото отворање настапи имаа и на членовите од Танцовиот спортски клуб “Стап-ап“ од Битола и членовите од Асоцијацијата за Фолклор “Плетенка“.
По свеченото отворање се одигра натпреварот помеѓу екипите на ветерани на Пелистер и Задар.
Текст и фото: Сашо Ристевски
