Во малата сала на Центарот за култура денес се одржа третата јавна расправа за рестартирање и ревитализација на Музичката продукција на Македонската радио-телевизија, на неа учествуваа советничката за култура на премиерот Зоран Заев, Цветанка Ласкова, и автори и стручњаци од оваа област кои се предлагачи на моделот за рестартирање на Музичката продукција на МРТ, меѓу кои се проф.Живоин Глишиќ, Кире Костов, Љупчо Мирковски, а беа покенети професори од Средното музичко училиште во Битола, кореографи и истакнати музичари и автори од повеќе ансамбли и културно-уметнички друштва и фестивали од Битоа и од овој Регион, претставници на приватните електронски медиуми и новинари.
-Музичката продукција на Македонската радио телевизија треба да се обнови бидејќи тоа е во функција на квалитетот на нашето културно наследство. Грижата и негувањето на домашното музичко творештво, развојот и одржливоста на нашата музичка продукција, како и вреднувањето на авторите и изведувачите е важен дел од културните политики на Владата, нагласи Ласкова.
-Идејата за повторно активирање и ревитализирање на музичката подукција на МРТ е прифатена без никакво двоумење. Таа претставува важен дел од музичката култура и дел од националните стратешки пристапи во зачувување, поттикнување и производство на нови музички содржини од домашни автори со различни музички жанрови, истакна Ласкова.
За МРТ, освен финансирање од буџетот, во програмата на Владата е овозможено финансирање на МРТ и од други средства меѓу кои и од приходи остварени со продажба на програма произведена во МРТ, а заживувањето на музичката продукција во МРТ може да биде вистински импулс во оваа насока, рече Ласкова.