Деновиве во малата сала на Домот на културата Државното музичко училиште од Битола организираше концерт на наградените ученици на државни и меѓународни натпревари во класата на пијано.
На концертот 27 млади талентирани пијанисти настапија пред публика со изведби подготвени под менторство на професорите: Ана Стефановска, Марија Шамова Буџаковска, Јана Четелева Белевска, Вера Поповска, Татјана Божиновска, Александра Јанковска, Цветанка Георгиева, Билјана Димовска, и Ана Попова Трајановска.
Концертот беше вистински празник за очи и уши кога голем број на таленти и од основното и средното музичко училиште изведоа дела од познати композитори.
Сите учесници беа наградени со големи аплаузи но најповеќе внимание привлекоа најмладите учесници.
