Викендов во Благоевград, Бугарија, се одржа традиционалниот, седми по ред, детски, пливачки, “GD Cup 2018“, во организација на пливачкиот клуб СК ГД Спорт и општината Благоевград.
На овој пливачки куп учествуваа 210 деца од бугарските клубови, ЦСКА, Пирин, Левски, Вихрен и ГД, а на покана на домаќините учествуваа и два клуба од Македонија, Олимпик од Битола и Челични од Штип.
За боите на битолскиот пливачки клуб Олимпик настапија Ана Лазаревска родена 2004 година и Дамјан Петровски роден 2010 година.
Двајцата на купот постигнаа одлични резултати, ги подоброји своите лични времиња во категориите каде пливаа, освоија и 4 медали и пехари кои кои иднина ќе ги красат нивните лични и витрините на пличкиот клуб.
Тренер на двајцата битолски претставници Ана и Дамјан им е Кире Марков кој е задоволен од тоа како испливале неговите избраници и се надева дека ако продолжат со ова темпо на работа, брзо ќе напредуваат.
Од пливачкиот клуб велат дека и во иднина ќе продолжат да учествуваат на вакви меѓународни натпревари и дека сакаат во своите редови да имаат што поголем број на млади пливачи кои во иднина ќе го претставуваат Олимпик и ќе носат во Битола добри пласмани, медали и пехари.
