Женскиот одбојкарски тим Пелистер Волеј склучи договор за соработка со четири моќни брендови од нашиот град.
Како генерален спонзор, кој ќе ги помага во 2019 година, е брендот број еден во спортските обложувалници “Евротип“, а исто така дел од ова партнерство стануваат “Gold Slot club“, “S/N осигурителен брокер“ АД Битола како и “S/N Финансиско друштво“
-Со овие нови партнерства прволигаш Пелистер Волеј и тоа како ја зацврстува својата позиција на спортската сцена. Секако, нашите резултати и определби како и начинот на кој до сега се развиваше Пелистер Волеј и тоа како одекнаа ширум јавноста, велат од Пелистер Волеј.
За почеток, Пелистер Волеј, ќе биде опремен со квалитетна спортска опрема која ќе биди брендирана, а централниот дел на новите дресови за пролетниот дел секако, ќе биди обезбеден за “Евротип“ – спортски обложувалници. Исто така на адреса на клубот ќе пристигни и се она што е неопходно за нормална работа и функционирање (топки, мрежи, антени, бројни реквизити за работа…).
Битола, додават тие, ќе се гордее со својот бренд, а сите оние кои се дел од нашиот клуб и тоа како ќе бидат мотивирани да останат дел од оваа успешна приказна.
За скоро, заедно со нашите партнери ќе има промоција на новата опрема, пред почетокот на пролетниот дел.