Новата Управа на фудбалскиот клуб Пелистер денес потпиша прв професионален договор со фудбалер од младинскиот погон на клубот. На договорот ставија потпис претседателот на Пелистер, Пеце Стојчевски и фудбалерот Усни Исмаили.
-Најавивме нов начин на работа на Пелистер, а еве со потпишувањето на договорот тоа и го пошнуваме. Фудбалерите од младинскиот погон ќе бидат под договор со Пелистер, а прв тоа го стори Усни Исмаили, фудбалер кој се истакна во есенскиот дел. Договорот е потпишан на три години, рече Пеце Стојчевски по потпишувањето.
И Исмаили е задоволен од договорот и рече дека ќе стори се да ја оправда довербата која му беше дадена во есенскиот дел, а и договорот со клубот.
Спортскиот дитректор на Пелистер, Менде Степановски, вели дека оваа практика на зачувување на талентите на Пелистер ќе продолжи и понатаму и дека за брзо време ќе се потпишат договори и со неколку други фудбалери од младинската екипа.
