Отворена изложбата “Еден век археологија во Битола“ (фото)

Денес на пладне во салата за изложби на Националната установа Завод и Музеј – Битола беше отворена изложбата “Еден век археологија во Битола“.Изложбата за отворена ја прогласи директорот на НУ Завод и Музеј од Битола, д-р Мери Стојановска.-Оваа изложба ја поставивме и ја отворраме во насока на одбележување на еден век од првите археолошки ископувања во Битола и битолско, па и затоа го носи насловот “Еден век археологија во Битола“. Низ соодветен фото и документациски материјал, преку изложбата, битолчани и остантите намерници во Битола ќе можат да ги проследат активностите на неколку генерации археолози, и други колеги кои работеле во завод и музеј“  во Битола, а работеле на археолошките истражувања.На изложбата беа присутни голем број од археолозите во Битола, а нив честитајќи им го овој редок јубилеј сто години археологија во Битола, ги поздрави и заменик градоначалникот на Битола, Емилија Костурски.