Кошаркарскиот клуб Младост е можеби најактивниот битолски спортски колектив кој посветува внимание на меѓународната соработка.
КК Младост деновиве се врати од “Јадранската турнеа“ каде настапи на натпревати во Задар, Хрватска и Подензано, Италија, а викендов остварува нова меѓународна соработка.
Гости на Младост ќе биде екипа од Волос, Грција, со која викендов ќе одигра и пријателски натпревар во кој ќе играат млади кошаркари родени 2003/5 година.
Тренерот и организатор на овие средби, Горјан Стојановки, вели дека ова е прва средба со оваа екипа од Волос, но се надева на поголема соработка и секако со реванш пријатеска средба за брзо време на нивни терен, со истата екипа, а можеби и со повеќе екипи.
Натпреварот ќе се одигра во недела во 9,30 часот, а потоа ќе се одржат и протолкуларните средби.
