Деновиве екипи на јавното комунално претријатие “Водовод“ покрај редовните активности кои ги имаа во овие летни горештини, кога температурата беше околу 40 степени целзиусови и потрошувачката на вода го достигна летниот максимум, се зафатија за уредување на дворот на старата филтерница, која е стара повеќе од 40 години.
-Ова место е едно од позначајните за Битола бидејќи преку неа се филтрирала водата за цел град и биле можеби најзначајната карика од ланецот за снабдување на градот со вода. Сега за жал е во лоша состојба и се одлучивме малку да го разубавиме местото, да ја откриеме филтерницата. Откако е направена новата филтерница, старата е оставена на забот на времето, обрасната со треви, оштетена внатрешност…, вели директорот на “Водовод“, Горан Козаров, кој ја потегна иницијативата за уредувње на дворот околу старата филтерница, а машините се веќе на терен и се расчистува.
За идните планови на “Водовод“ за старарата филтерница, Козаров додава:
-Ова е преубав објект и е жалосно што е во ваква состојба, а многу важен за историјата на Битола и секако стратешки објект за нашето претријатие “Водовод“. Некои посебни планови за старата филтерница немаме, сакаме само да ја исчистиме и да се гледа. Оваа наша иницијатива, еве нека бида повод за предлози за тоа како да биде филтерницата од утре натаму. Сега кога е заборавена од времето, да ја откриеме, да ја видиме убавината на објектот, да се потсетиме на важноста на објектот за Битола. Ова нека биде прв чекор за одржување на старите и значајни објекти за градот, не само филтерницата, туку и останатите, како старата бања кај Чинарот, некогашните скривници, делови од касарната…
Сега во старата филтерница се наоѓа хидро централата на “Водовод“.
С.Р.
