Некако како што поминаа 34 години, брзо, од формирањето на навивачката група “Чкембари“ така некако и денес ми помина денот и не стигнав да ги средам фотографиите и да го напишам текстот, но сепак го “фатив“ датумот, денот, 25 септември, роденденот на навивачката група “Чкембари“.
Како спортски новинар сум бил присутен на најзначајните спортски настани во градот и надвор, секаде со Пелистер, без разлика дали е ракомет, фудбал, кошарка, а како фоторепортер преку фотографии сум ги пренесувал сите случувања на теренот.
Низ годините, секако не останале не фотографирани и навивачите, со кои сум бил и сум пријател во овие 34 години. Прво со основачите сум “генерациски тука“, а сведок на основањето, на првите натпревари, потоа на натпреварите, на пишувањето на паролите, на цртањето на големите знамиња…
Оваа мега галерија на мои, авторски “чкембарски“, најголем број необјавени фотографии (ако е некоја објавена никој не се сеќава бидејќи немаше тогаш “фејсбук“ да има “фејсбук мемори“), пред повеќе години, е мој подарок до “Чкембарите“, за 34 роденден, а за до година, за 35 јубилеен, да направиме нешто повеќе.
Сашо Ристевски, спортски новинар и фоторепортер
