Од денеска имаме вкупно повеќе излечени пациенти од коронавирус, отколку активни случаи. Институтот за јавно здравје регистрира 111 оздравени пациенти меѓу кои има и еден битолчанец. Вкупно на ковид дијагностицирани се 1.465, бројката на оздравени пациенти е 738, на починати е 77, а во моментов бројот на активни случаи во земјата изнесува 650.
Денес Центар за јавно здравје- Битола и регионот кој го покрива (Битола, Кичево, Ресен и Демир Хисар) излезе со комплетната статистика во врска со ковид-19, во која се вели дека земени се вкупно 329 брисеви за COVID-19 од кои 276 по епидемиолошки индикации (лица кои што ја исполнуваат дефиницијата на случај, здравствени работници на кои им истекува здравствениот надзор за COVID-19 и др.), а 53 преку упатување од матичен лекар преку ситемот Мој термин. (Табела 1)
Земени брисеви за COVID-19 по градови на територијата на ЈЗУ Центар за јавно здравје- Битола е: Битола со вкипно 259 тестови, Кичево 22, Ресен 5, Д. Хисар 20 и други градови 23.
Позитивни резултати за COVID-19 се добиени кај 22 лица, од кои 19 се со место на живеење во Битола, 2 во Кичево и едно лице во Демир Хисар.
Во Битола има 4 кај кои болеста е во тек.
Возраста на заболените се движи од 5 до 85 годишна возраст , а во однос на пол заболени се 10 лица од машки и 12 лица од женски пол.
Едно лице на возраст од 66 години кое беше хоспитализирано во Клиничка болница- Битола на Одделението за инфективни болести почина. Лицето беше во тешка општа состојба, со срцева слабост и цироза.
Од вкупниот број на заболени лица 9 се здравствени работници, од Битола 8 и од Демир Хисар 1.
Вкупно 208 лица ставени се под здравствен надзор во траење од 14 дена од контактот со позитивното лице или од враќањето од ризична земја.
