Денес, четврток, 24 септември, во Битола, според метеролозите на Управата за хидрометеоролошки работи, времето ќе биде променливо облачно, попладне со повеќе сончеви периоди. Ќе има појава на краткотраен локален дожд и грмежи. Ќе дува слаб до умерен ветер претежно од западен правец. Температурата до 25°С.
Утре, петок 25 септември, во Битола, ќе има преодно стабилизирање на времето и ќе почне да дува умерен до засилен јужен ветер, кој ќе се задржи и во следните денови.
Под влијание на влажен бран во сабота ќе биде облачно со пообилни врнежи од дожд, кои на места ќе бидат поројни, проследени со грмежи и силен ветер. Температурата значително ќе се намали. Пообилни врнежи од дожд повторно ќе има во понеделник.