Ски-центарот “Нижеполе” подготвен за новата скијачка сезона, се чека само снегот (фото)

Јавното претпријатие “Стрежево” од Битола, деновиве ги заврши сите превземени чекори за успешна и континуирана скијачка сезона, која следуба, а нивните очкеувања се дека оваа престојна зимската сезона ќе се одвива непречено со почитување на протоколите и мерките во услови на пандемија.Ски-центарот со кој стопанисува “Стрежево“ од Битола веќе располага со негувани скијачки падини, во кои е вложено во уредувањето, опремувањето, со посебен акцент на обезбедувањето и редот на ски-центарот, како и на сите други прашања што се значајни за користење на скијалиштето.-Скијалиштето кое се наоѓа на 15-тина киломеатри од Битола е уредено на начин што ги задоволува условите од аспект на зачувување и заштита на животната средина, како и соодветните санитарно- хигиенски услови. Скијачкиот центар е целосно подготвен и екипиран за непречено и безбедно функционирање на ски-терените. Спроведени се редовните технички подготовки и активности за почеток на новата ски-сезона, извршен е редовен сервис, променето е влечното јаже, изјави директорот на “Стрежево“ Менде Граматковски.Од ски-центарот упатуваат апел до граѓаните кои ќе го посетуваа да ги почитуваат протоколите и мерките за заштита од COVID -19, односно задолжителна дистанца од 1,5 до 2 метри пред билетарниците, чајџилницата и ски-лифтовите сè со цел да имаме сигурна дестинација и спречување на внесување и ширење на коронавирусот.-Го очекуваме снегот на волшебното планинско царство, мирисот на снегулките и сите заедно со душа да се насладуваме на прекрасната зимска идила. Се надеваме на магична зимска бајка во периодот што следи и сите заедно да започнеме успешна скијачка сезона во новата година, истакнуваат од ски-центарот “Стрежево“.