Нов коловоз на улиците “Смилевски конгрес“ и “Младински бригади“

Започнаа градежните активности околу рехабилитацијата на ул. „Смилевски конгрес“ и ул. „Младински бригади“, во должина од 825 метри.Градоначалничката на Општина Битола, Наташа Петровска, од страна на изведувачот беше информирана за динамиката на работа и текот на активностите на оваа делница.-Улицата “Смилевски конгрес“ е значајна делница во овој дел од градот. Таа беше доста оштетена, а претставува своевиден крвоток за движење на населението по неа, бидејќи во близина се наоѓа училиште, градинка и голема концентрација на население. Општина Битола за оваа делница издвои 5.717.665 денари, посочи Петровска.