Вчера во хотелот “Молика“ кај Битола започна обука за планинарски водичи

Во Битола, во организација на Федерацијата на планинарство, во хотелот “Молика“ на Пелистер, започна обуката за планинарски водичи за планинарење по лесни патеки во летни услови.На обуката која ќе трае до 26 мај, учесници се 25 искусни планинари од планинарски клубови од Македонија и Црна Гора. Ориентација, прва помош, употреба на ГПС технологија, психологија на водење, планинарска опрема, изработка на засолниште и преноќување, заштита на природата и многу пракса се дел од темите со кои кандидатите ќе стекнат дополнително знаење потребно за водење на планина.По обуката кандидатите се здобиваат со звање планинарски водич во Категорија А1.