Во ФИКТ во Битола, Агенцијата за поттикнување на развојот на земјоделството во рамки на проектот “aGROWchain“ финансиран од Европската Унија, во рамките на Интеррег ИПА програмата за погранична соработка „Грција – Република Северна Македонија 2014 – 2020“, организира online тренинг семинар на тема “Интегриран пристап за воспоставување на вредносен синџир за обновливи горива“.
Тренинг семинар се одржа преку “зоом“ апликацијата, а беше директно ќе биде пренесуван и на “Facebook“ и “YouTube“, со намена да се вклучат директоно и сите земјоделци, институции и фирми кои генерираат и користат биомаса.
Семинарот интегрира теми од повеќе области на користење отпадна биомаса во енергетиката и тоа:
-Што е отпадна биомаса, нејзините енергетски вредности и можности за користење во енергетиката,
-Економски и еколошки бенефити од користењето на отпадната биомаса – за производителот, крајниот корисник и посредникот.
-Технологии за преработка и користење на отпадна биомаса.
-Најдобри практики на користење на отпадна биомаса.
Во рамките на семинарот беше промовиран и водич за локалните власти за поставување на вредносен синџир за обновливи горива, како и софтверот за поставување на вредносен синџир за обновливи горива “binter.MK“ развиен во рамките на проектот “aGROWchain“. Семинарот финализира со прашања, одговори и плодна дискусија на предметната тематика, помеѓу online присутните и експертите.
