М-р Весна Шапкоски, докторант на Правниот факултет при Универзитетот “Св. Климент Охридски” – Битола е една од 30те учесници од Југо-источна Европа и поширокиот регион, кои ќе бидат дел од годинешната СИДИ – Школа за интернет владеење, дигитални политики и иновации (https://administratiepublica.eu/sidi/index.php/class-2021/?fbclid=IwAR2fUvhfH_NYgza0Nzo8t0HMK2HOPTdLBwrVf2kiMLt7NCrN5rpnHbzRs-U).
Школата ќе се одржи целосно витруелно, во периодот од 31 мај до 11 јуни 2021, а учесниците ќе имаат можност да научат повеќе за дигиталните иновации, влијанието на Интернет и други технологии на нашето општество и економија, како и за различните димензии на дигиталните политики и интернет владеењето.
Школата е ко-организирана од страна на Националниот универзитет за политички студии и јавна администрација од Букурешт, Романија, Интернет корпорацијата за доделени имиња и броеви и Дијалогот на Југоисточна Европа за управување со Интернет, со поддршка на повеќе меѓународни, регионални и локални партнери.
Правниот факултет при Универзитетот “Св. Климент Охридски” – Битола продолжува и понатаму да ги охрабрува и поттикнува своите студенти, постдипломци и докторанти во нивните амбиции за достигнување на врвовите на професијата и науката и нивното меѓународно афирмирање и етаблирање.
