И вечерва раат кафе на “Магнолија“ на протестите против ограничување на слободата (фото)

И вечерва продолжија протестите против ограничувањата на слободата и против “присилната“ вакцинација, на плоштадот “Магнолија“ во Битола, со како рекоа кафе на раат на слобода на Широк Сокак.На протестот зборуваше активистот Игор Петковски, кој уште еднаш ги повтори ставовите дека не се против вакцинациите и дека се сите по десетина пати вакцинирани. Но, тој побара да се објават студии за вакцинација, како и нус појави после вакцинацијата. Како и претходно битолчани се “распослаа“ и се послужија со кафе кое сами си го подговија, а беа послужени и со “старбакс“ кафе.На крајот ги повторија барањата за  укинување на рестриктивните мерки за невакцинираните лица, како и позитивна кампања за вакцинирање.