Битолчани по 80 години ја возобновија традицијата за Водици во Железнец, Чекутков од Битола го извади крстот од изворот на Црна (фото)

Десетина битолчани денес по повод големиот Христијански празник Водици по пауза од повеќе од 80 години повторно ја возобновија големата христијанската традиција во Демирхисарското село Железнец, каде беа осветени водите и на изворот на реката Црна, а потоа во водата беше положен Светиот крст, од отецот Игор од Демир Хисар.Во демирхисарското етно село Железнец, каде се изворите на Црна река, во осветените води на реката Црна повеќе млади христијани скокаа по светиот крст, а крстот го извади историчарот Ѓорги Чекутков од Битола.Чекутков рече по “фаќањето“ на крстот дека му е благодарен на Господа, што ја имаше таа чест во неговите раце да се најде Светиот крст.