Општина Новаци продолжува со конкретни мерки за поддршка на младите и создавање подобри услови за нивно осамостојување и развој.
Со оваа мерка, 27 млади лица до 26 години ќе добијат финансиска помош во износ од 10.000 денари по лице за стекнување возачка дозвола од “Б“ категорија. Возачката дозвола е важна за поголема мобилност, независност и полесен пристап до образование, работа и нови можности.
-Со оваа финансиска поддршка вложуваме во младите и во нивната иднина, создавајќи можности за поголема самостојност и активно учество во општеството. Општина Новаци – инвестира во младите, затоа што младите се иднината на Општина Новаци!, соопштија од Општина Новаци.
