Денеска целото внимание на љубителите на спортот во Битола ќе биде насочено кон натпреаварот кој ќе ја реши дилемата кој ќе биде шампион на Македоинија во ракомет, а таа дилема ќе ја решаваат екипите на Еурофарм Пелистер и Вардар. Екипата на Еурофарм Пелистер денес во Битола ќе пристигне од Струга, каде три дена се повлечени и далеку од битолскиот притисок се подгоствуваат за натпреварот на сезоната. Влезниците се распродадени за само 15 минури, а во Битола се до почетокот на натпреварот ќе се бара влезница плус. За оние кои нема да набават влезница ќе има видео бим на платото кај Офицерски, каде во 14 часот ќе биде отворена фан зоната, а натпреварот започнува во 19 часот.
Кошаркарскиот клуб Пелистер од Битола, и актуелен лидер на табелата преку социјалните мрежи ги повика битолчани на уште еден спортски спектакл со почеток во 14 часот. Во рамките на 4 коло од Суперлигата, домаќинот ја пречекува екипата на Еуро Никел од Кавадарци. КК Пелистер ја повика својата публика за заедно да го направиме домашниот терен неосвоив.
Битолско – кавадаречка битка ќе се следи и на фудбалскиот стадион, каде Пелистер ќе го пречека составот на Тиквеш. „Пелистерци“ ги загубија шансите за опстанок.
