Млад планинар од Битола, кој два викенди собираше отпад од Нижеполе до Орлови Бари, не сака да биде објавено неговото име

Млад планинар од Битола претходните два викенди во повеќе пластични вреќи го собра отпадот расфрлан по патеката меѓу рампата кај ЗРЦ “Нижеполе и “Орлови Бари“, односно по патеката која планинарите и рекреативците од Битола ја поминуваат да дојдат до Големо Езеро. Најголем дел од спакуваниот отпад го оставил на две места заради неможност од носење. -Сакам да упатам апел надлежните да го отстранат, а јас не можам тоа да го направам. На почетокот на патеката се уште има отпад колку за една вреќа, бидејќи немав повеќе амбалажа за собирање, а тоа ќе го направам следниот пат. Инаку, отпадот без исклучок е фрлан од берачите на боровинки, кој додава и дека не сака да се открива неговоти име, бидејќи ова не го правел заради реклама, туку едноставно, од љубов кон Баба планина.