Започна со активности Ромскиот здравствен образовен центар (фото)

Првиот официјален настан на Ромскиот здравствен образовен центар во соработка со ОУ „Ѓорѓи Сугрев“ во Битола, во спортската сала на ООУ„Ѓорѓи Сугрев“ – Битола се одржа спортски натпревар со родители и деца од сите генерации од ромската и неромската заедница.За време на настанот учесниците се потсетија колку спортот е забавен, но и колку придонесува за нивното здравје ако го практикуваат редовно. Ова беше прв пат да се соберат заедно родители и деца од сите генерации, вклучувајќи дел од наставниот кадар во ОУ „Ѓорѓи Сугрев“.Стотина учесници се забавуваа и учеа за важноста на спортот, дисциплината, правилата и фер играта преку: – кратко предавање за важноста на изведување на утринска гимнастика, физички вежби и пешачење/велосипедизам/трчање во природа; – активности за згревање – изведување на вежби за развој на телото; – изведување штафетни игри во две групи со ротација; – играње лепчиња со сите учесници; – крајна активност – играње заедничко народно „оро на пријателство“.Учесниците беа презадоволни и посакаа овој настан да стане редовен и премине во традиција. Огромна благодарност до директорот на ОУ „Ѓорѓи Сугрев“, Роберт Филиповски, како и одделенските наставнички Наташа Тодоровска и Билјана Рахманова Тасева за соработката и помошта при организацијата и изведбата.