Ректорот на УКЛО оствари средба со професори од Полска од “Erasmus+“ програмата

Ректорот на Универзитетот „Св. Климент Охридски“ – Битола, проф. д-р Игор Неделковски, заедно со деканот на Правниот Факултет – Кичево, проф. д-р Горан Илиќ, како и проф. д-р Младен Караџоски и доц. д-р Благој Неновски, остварија средба со проф. д-р Кристоф Јасиецки и д-р Миколај Ракуса Сусцевски од Центарот за Европа при Варшавскиот Универзитет од Република Полска.Двајцата професори во рамките на Erasmus+ програмата и проектот “Public Diplomacy 2022”, финансиран од Министерството за надворешни работи на Република Полска, остварија посета на нашиот Универзитет, а одржаа и предавања и работилници со студентите од Правниот факултет со што се потврди долгогодишната соработка на Правниот факултет при УКЛО со Центарот за Европа при Варшавскиот Универзитет од Република Полска.