Press "Enter" to skip to content

Прва самостојна изложба на уметнички дела на Теодора Јовчевска (фотогалерија)

Дваесетина ликовни дела, слики и цртежи создадени во поново време од страна на младата авторка Теодора Јовчевска, е содржината на нејзината прва самостојна изложба отворена деновиве во Галеријата ,,Ранко Струмениковски” во Битола. Пред присутните љубители на ликовната уметност, во галеријата “Ранко Струмениковски“ во Битола, на чинот на свеченото отворање, за оваа млада уметница зборуваше Александар Поповски, ликовен педагог и уметник кој истакна дека младата Теодора Јовчевска, ученичка во Горната гимназија во Битола,  својот ликовен талент го надградува во последниве три години од гимназиското школување.Изложбата за отворена ја прогласи Драган Ристевски, докторант по областа за надарени и талентирани, при што нагласи дека Теодора Јовчевска со својот младешки ентузијазам и творечка ликовна наклонетост и енергија е вистински потенцијал кој него треба академски да го надгради.Во наредните денови, изложбата ќе биде посетена од ученици во рамките на нивните часови по ликовна уметност.Инаку, на задоволство на присутните, просторот на Галеријата ,,Ранко Струмениковски” овозможи пријатни уметнички мигови, а Галеријата е отворена за соработка со бројните млади ликовни, музички, литературни и други таленти за презентација на нивната уметност.

More from ВестиMore posts in Вести »