Со најубави желби за многу радост, среќни денови и новогодишни пакетчиња, градоначалникот на општина Битола, Тони Коњановски, во придружба на Дедо Мраз, денес им ги честита новогодишните празници на децата од Заводот за рехабилитација на слух, говор и глас.
При посетата на Заводот, градоначалникот Коњановски разговараше и со директорката Дивна Живорадиќ Најдовска и стручните соработници, за условите во кои се вршат специјалистичко консултативни прегледи, рехабилитациони постапки, според медицински индикации, како и специјалистички рехабилитациони третмани на лицата со проблеми на слухот, говорот и гласот, преку превентива и дијагностика.
За детската радост да биде уште поголема, годинава дополнителна поддршка за општина Битола, беше и „КАМ“ маркет, кој со својата донација од 300 пакетчиња, овозможи разубавување на новогодишните празници на најмладите од повеќе институции.
