Младите битолчани од Бадниковата поворка во Општина Битола ја внесоа пештерата и ја запеаја “Вечниот бог“ (фотогалерија)

Денешната Бадниковата поворка, внесе радост и во Општина Битола, младите гласници на најубавата вест, во општинската зграда влегоа пеејќи ја песната “Вечниот бог“, а на нивните уморни мали раце ја внесоа и пештерата и ѕвездите, навестувајќи го Христовото раѓање.Младите гласници во општината беа пречекани од заменик градоначалникот Бојан Бојкоски, претседателката на Советот на општина Битола, Габриела Илиевска и советниците Анета Ѓоргиевска и Борче Корлевски.Претседателката на Советот на општина Битола, Габриела Илиевска, им се обрати на дечињата и рече:-Вие сте најдрагите гости во Општина Битола, бидејчи ја носите веста за Христовото раѓање. Сакам да Ви се заблагодарам во име на градоначалникот Тони Коњановски за посетата и за се што направивме денес во Битола, да го најавите Христовото раѓање. На сите мали гости им беа поделени божикни пакетчиња.