Еурофарм Пелистер – Вардар 18:25 (7:12)
Младите ракометари на Еурофарм Пелистер во Битола се поразени од Шампионот на Македонија, во натпревар во кој фаворитот Вардар не им дозволи ништо повеќе од пораз, и сосема заслужено славеше со резултат 18:25, полувреме 7:12.
Првото полувреме само во првиот неколку минути беше изедначено, со гол предност за Вардар, 4:5, а потоа следуваше серија на гостите 0:6 за да биде 4:11. До одморот екипата на Еурофарм Пелистер не успеа да ја намали разликата и првото полувреме заврши 7:12.
Во истото темпо продолжи и второто полувреме, а младите момци на Александар Јовиќ само преку Павле Петровиќ, кој погоди осум пати,се обидуваа резултатот да го намалат. На крај беше 18:25, доволно Вардар да остане на првото место.
Кај Еурофарм Пелистер најефикасен беше Павле Петровиќ со 8 постигнати гола, а следува Ивановски со 4. Кај Вардар најефикасен Дејан Манасков со 13 постигнати гола.
