Press "Enter" to skip to content

Во Битола започна битолското културно лето “Бит фест“, спектакуларен настан “Вива Верди“ во Хераклеја (мега фотогалерија)

Синоќа во Битола, во синоќа во античкиот локалитет Хераклеја Линкестос, со спектакуларниот настан „Вива Верди“, на кој настапи Камерниот оркестар на Битола, со над 130 изведувачи,  свечено беше отворено 15. издание на битолското културно лето „БИТ ФЕСТ“.Официјалниот почеток на фестивалот го означи градоначалникот на општина Битола, Тони Коњановски, кој во своето обраќање пред публиката, потенцира дека годинава БИТ ФЕСТ е во духот на традицијата и промоција на културните вредности.-Битола е град кој има посебна должност да ги чува, заштитува и промовира културните вредности, кои се наше најголемо богатство, но и можност за зајакнување на меѓународните врски и пријателства, со значајни културни и економски придобивки за напредок на градот. Токму затоа, како локална самоуправа, ставаме посебен акцент на заживување на културните простори, преку поддршка на домашните уметници и промоција на македонската култура и традиција, а за ова издание на “Бит фест“ додаде:Организацијата на битолското културно лето е токму една голема потврда за повеќедеценискиот континуитет на надградување и промоција на пишаниот збор, театарската, музичко – сценската изведба, па се до новите уметности и современите форми на културно изразување. Оваа година, преку воведената можност за избор на граѓаните на содржини кои ценат дека треба да бидат дел од програмскиот концепт на општината, како и можноста културните уметници да го понудат најдоброто од својата работа, добивме насоки, во кои општината треба да продолжи да дејствува со своите програми, градејќи една цврста културна политика, за сите свои граѓани. На ваквиот пат, поддршката од сите соработници е особено значајна, зошто само така културата ги победува сите предизвици.
Многубројната публика, имаше можност да ужива во прекрасната изведба на симфониски оркестар, хор и оперски солисти, кои ги изведоа најубавите извадоци од најпопуларните опери на Џузепе Верди, како: “Травијата“, “Аида“, “Моќ на судбината“, “Набуко“, “Риголето“ и други во одлична изведна на Камерниот оркестар.
Како солисти на концертот се претставија: Горан Начевски, Наде Талевска, Кристијан Антовски, Марија Наумовска, Нико Ѓоргиевски и прекрасниот сопран – Зана Абази Рамадани.
Инаку, годинешното културно лето, вклучува токму содржини кои имаат обединувачки концепт на сите традиционални манифестации, како и настани, кои произлегуваат од долгогодишна соработка на општина Битола со градови од други земји. За отвореноста за соработка, сакам да изразам голема благодарност до Културно информативниот центар, како и до Националните институции од културата: Центарот за култура, Народниот театар и Завод и музеј, рече Коњановски.
Битола Шекспир Фестивал, Битола отворен град, Илинденски денови, Локум фест, Незаборав, Битолино, ликовни изложби и литературни настани се главно содржините на 15 издание на БИТ ФЕСТ, кое ова лето ќе биде дел од културното живеење на градот.
 
Фото: Сашо Ристевски