“Голтка вино и приказни: Магична вечер на бајки за возрасни!” во библиотеката во Битола

Вчера во Библиотеката “Св. Климент Охридски“ во Битола се одржа преубава активност насловена “Голтка вино и приказни: Магична вечер на бајки за возрасни!“ Читањето бајки вчера донесе празнична и магична атмосфера, што ги прави совршени за празничната сезона. Создадоа топол и волшебен амбиент во библиотеката. Читањето бајки на возрасните им создаде чувство на релаксација и привремено бегство од притисоците на секојдневниот живот.-Читањето бајки во заеднички амбиент го поттикнува чувството на заедница кај посетителите на библиотеката. Ја поттикнува социјалната интеракција и споделените искуства, зближувајќи ги луѓето за време на празничната сезона. Многу возрасни имаат убави спомени од слушањето бајки од време на нивното детство, порачаа од библиотеката.Читањето на приказните од страна на учениците од Интимен театар во состав: Леона Аземовска, Ксенија Мано, Петровска Теона, Елеононара Блажевска и Лилјана Питоска пред Нова Година предизвика чувства на носталгија и ги поврзе поединците со негуваните традиции, создавајќи чувство на континуитет низ генерациите.Во  магичната ноќ учествуваа: режисерката Билјана Крајчевска, “Вемилк“, Издавачки центар Три, Кетеринг Амброзиа, Books house, здружение на жени Битола и Светлана Петковска. Координатори на активноста: м-р Фатма Бајрам Аземовска и м-р Гордана Ѓоргиевска Неделковски.