Деновиве пред 10 години: панихида за Павел Шатев и промоција на книга за него во Битола (фото)

Традиционално веќе подолго време по повод денот на смртта на Павел Шатев, на Светонеделските гробишта во Битола, се оддава достојна почит на последниот македонски гемиџија, на големиот великан, револуционер, публицист, патриот и голем македонски  интелектуалец, кој целиот свој живот го посвети на македонското ослободително дело, започна со своите сеќавања Димче Миновски, хроничар на Битола и доајен на битолското новинарство.По тој повод на гробот на Шатев беше положено цвече од страна на локалната самоуправа, претставници на ВМРО-ДПМНЕ и на организацијата и на Унијата на млади сили на ВМРО-ДПМНЕ од Битола, кои беа и организатори на панихидата.Павел Шатев се вбројува меѓу ретките македонски револуционери, политичари и државници од постарата генерација, кој ги преживеа сите премрежја на македонската ослободителна борба. Животниот сон на Павел Шатев се отвари со ослободувањето на Македонија и создавањето на македонска држава, во чија изградба тој има свој печат. Но, токму во слободната татковина, Павел Шатев трагично го заврши својот живот во тешки услови.Погребан е на 30 јануари 1951 година на Светонеделските гробишта во Битола, а роден е во Кратово.Потоа се одржа и промоција на книгата “Павел Шатев – заточение во Сахара – Фезан“.